الأربعاء، 7 مايو 2014

3 عادات غريبة عند الشباب العماني....

3 عادات عند الشباب العماني أشوفها من يوم وأنا صغير ولين يومك ومالاقي لها تفسير مقنع:

الأولى: يوم تشوف شباب جالسين عند الشاطيء ورافعين دشاديشهم ومبينيين وزرانهم. ولما تجي تسألهم تفسيرهم يكون عشان الدشداشة ما تتوسخ. وتفسيري الشخصي يكون الحين الدشداسة ماراح تتوسخ من ورا والوزار بعد ما راح يتوسخ لا والدشداشة بعد راح تتكرفس. والغريب انه فوق كل هاي جالسين عا الحصير وبعدهم رافعين وزرانهم!! دعاية حال وزران مثلا :)

الثانية: يوم تشوف شباب جالسين في تجمعات عند مواقف السيارات العامة في ها الحر والرطوبة فارشين حصير ويلعبون ورق ويسولفون. الحين الديرة مافيها مجمعات ومطاعم ومقاهي مكيفة؟! :) سبحان الله

الثالثة: يوم تشوف واحد عند المطب يلف سيارته من اقصى اليمين لاقصى اليسار أوين عشان جامبينات السيارة ما تخترب. الحين مسقط صايرة كلها مطبات وين ما تروح عشان تأخر اللي وراك وتسوي زحمة فوق الزحمة اللي موجودة اصلا هههههههه :)

فعلا ولله في خلقه شؤون

الأربعاء، 22 يناير 2014

يا ناكر المعروف .... آه ويا ويلي وأوف ....

حياكم الله حبايبي

ادري اني طولت عليكم الغيبة وااااااااايد بس الفترة الأخيرة كان عندي ضغط مو طبيعي في الدوام وعشان ما كانت عندي مواضيع مهمة اذكرها اهني...

بس اليوم عندي موضوع غريب ومضحك ومحزن ومفرح وصاعق في نفس الوقت....اتمنى لكم الفائدة وكل عام وانتم بخير مؤخرا :)

* من اول ايام الكلية اللي كنت ادرس فيها سنة 1998 تعرفت على شاب اردني الجنسية. اول ما شفت ها الشاب كنت مذهول بأناقته ولباقته وأخلاقه الحلوة ومساعدته لموظفي الاستقبال على الرغم من كونه مجرد طالب في السنة الدراسية الأولى. طبعا تعرفت على ها الشاب ووايد ارتحنا لبعض وصرنا ربع مثل الاخوان. وأول ما تشوف ها الشاب مبينة عليه الحركات الأنثوية والناعمة بشكل واضح جدا بس الحلو أن الكل كان متقبله وهو كان ماخذ راحته ويا الكل من دون أي حرج أو حياء وها الشي اللي خلاني أتعلق فيه أكثر. بدينا نطلع ويا بعض وايد وعرفني على ربعه وطلعنا جم مرة ويا بعض بس انا كنت وياه اكثر بحكم راحتي النفسيه معاه.

* وعرفت انه مصمم أزياء وعنده تصاميم ومن ها التصاميم عنده زبائن يشترون منه. بس مثل ما هو معروف أن شغل تصميم الأزياء ما يمشي في عمان أبدا -خصوصا الخط اللي هو ماشي عليه- فعلى حسب كلامه فهمت أن ظروفه المادية جدا تعبانة حتى كان يفكر أنه يترك الكلية بسبب تكاليفها العالية بس جت له فكرة أنه يروح دبي عشان يدورله على شغل اهناك وطلب مني مبلغ مالي كقرض وقال انه راح يرجعلي لما أوضاعه تتحسن وطبعا أنا ما كنت مقتنع في البداية بس معروفين الشوام عن لسانهم المعسول وقدرتهم العجيبة في الاقناع. وسلمته المبلغ وكنت حاس ما بيني وبين نفسي ان المبلغ ما راح يرجعلي ابدا.

* والأخ راح دبي واموره ما مشت عدل للاسف وقرر انه يروح الأردن عشان يشتغل اهناك ويدرس التخصص اللي هو يحبه الا وهو تصميم الازياء. راح الاخ وانقطعت اتصالاتنا بحكم الظروف لكنه رجع في سنة 2004 كاجازة وعشان يزور اهله واتصل فيني عشان نطلع ويا بعض. وفعلا طلعنا ويا بعض وخبرني عن حياته في الاردن والى اخره.

* نسيت اخبركم شغلة وايد مهمة خلال فترة الدراسة عرفت الاخ الاردني على اهلي بحكم انهم يشوفون تصاميمه ويشترون منه لانه عرس اختي كان ذيج الايام. ودخلته في الصالون وجلسته مع امي واختي وخالاتي عشان يشوفون الكتالوج ويتناقشون معاه عن الاقمشة والاسعار. واهلي ما عجبتهم التصاميم وكانت الاسعار غالية جدا. فما صار النصيب مثل ما يقولون :). بس من هذيك اليوم أهلي حذروني منه وقالولي صراحة احنا ابدا ما ارتحناله ويبين عليه عيار واستغلالي فننصحك انك تبتعد عنه وهاي غير حركاته الاوفر اللي تخلي الواحد يتفشل منه اذا طلع وياه مكان عام. بس انا عندت بحكم صداقتنا وراحتنا النفسية مع بعض وكنت دايما اوقف ضد اهلي عشانه. هاي غير مصخرة اخوي وولد خالتي لي -من بعد ما شافوه وطلع وياهم- واهناتهم الغير منتهية اللي كانت موجهة لي بسبب مصادقتي له. وانا عندت الكل واستمريت معاه وما اهتميت لكلام احد.

* نرجع الحين لسنة 2004 ولما نطلع ويا بعض, طبعا اول ما تشوف الاخ تشوف حواجبه اللي هو حفها -اللي تخليه شبهة اكثر من قبل- هاي غير غروره وتكبره اللي صاير فيه وكل ما نقعد يتكلم عن العمانيين ويتمصخر عليهم ويقارنهم ببقية دول الخليج والدول العربية- وطبعا انا ساكت لانه عليه لسان طويل يخلي الواحد يخاف من بطشه. عموما في يوم كنا طالعين ويا بعض وطلب مني اني اساعده في اني ادورله على بحث للكلية في النت واكتبله واطبعله بحكم انه ما عنده لا كمبيوتر ولا نت وحتى اصلا ما يعرف يستخدم الكمبيوتر من اصلا. انا بصراحة تهربت منه وكنت مقرر ما بيني وبين نفسي اني اتركه حتى ما كنت ارد على مكالماته وراح الاردن.

* طول ها الفترة وانا ما اعرف عنه شي ولا اسمع عنه شي ابدا بس سنة 2008 فجاة يجيلي اتصال منه -وطبعا معروف من صوته النعوم- وقالي انه رجع على عمان ويبينا نطلع ويا بعض ونسولف وفي اشياء وايد ابي اقولك عني والى اخره. وانا بحكم طيبتي الزائدة طلعت وياه -ويا ريتني كنت شرير وما طلعت وياه من اصلا-. اعترفلي انه مثلي وليش انه خبى علي وطبعا الاعذار الغبية والى اخره. وطبعا انا اعترفت له اني مثلي من ايام الدراسة سنة 2000 وهو كان مخبي علي طول ها السنوات. عموما عرفت منه انه بعد ما خلص دراسته في تصميم الازياء اشتغل في مشغل في الاردن لمدة سنتين بس لان صاحبة المشغل سوتله مشاكل فقرر انه يطلع منه. من بعدها جتله فرصة لشغل مشابه في البحرين واشتغل لمدة سنتين وبعدين طلع لان صاحبة المحل سوتله مشاكل هي الثانية. وحبيت اخبركم انه قبل لا يروح الاردن من اساسه كان يشتغل في عمان اهني في مشغل بس ما كان يربح بحكم السوق الراكد ولانه على حسب قوله صاحب المحل سواله مشاكل -سبحان الله الغريبة ان ثلاثتهم سووله مشاكل بس هو مسكين شريفة مكة :)-

* خبرني بطلعاته وروحاته ويياته ومغامراته في الاردن وفي البحرين وعن ربعه وعن حبايبه والخ الخ. وعلى طول من اليوم الثاني اللي احنا طلعنا فيه طلب انه يجي بيتي عشان يجلس على النت ويتعرف على شباب مثل ما انا كنت اسوي حزتها. وطبعا لانه فقير جدا في معلوماته حول الكمبيوتر والنت انا كنت اسوي كل شي من تكة زر الماوس وزيارة المواقع وكتابة الرساءل وهي الاخت الآمرة الناهية بدي هيك وما بدي هيك وانا لمدة 3 ساعات متواصلة اطبع واضغط الازرار وازور المواقع لحد ما الاخت تتعب وتقول بعد كل هاي خلاص بطلت وبديش >:( . واستمر ها الوضع لفترة طويلة ويجي عندي البيت بشكل مستمر ويأذيني بس أنا صابر ومتحمل عشانه وخايف من لسانه الطويل جدا لا يجرحني او يقط علي كلمة غلط. وخلال هذي الفترة الوالدة بدت تتضايق من ها الموضوع بس انا عندت ووقفت ضدها عشانه مرة ثانية وما خبرته بالموضوع. بس صراحة الاخ مصخها وايد وايد وايد يقعد بالساعات عندي ويبي يستخدم مواقع ويبي اغاني وافلام والعاب والخ الخ وهو ما عنده احساس ولا ضمير ولا كرامة. وفي مرة انا خبرته ها الموضوع بشكل هادي وبسيط عشان اعرف انه انفعالي ودرامي زيادة عن اللزوم بس فوق كل هاي طلع الغلط فيني وانا اللي مقصر في حقه وانه امي ما تحبه -ابن الكلب :)-

* والحمد لله انه من يومها ما صار يأذيني بس من يومها صاير وايد خسف معاي وكل شوي والثاني يقط علي كلام مثل انت ما عندك شخصية وأمك انسانة متسلطة وجاهلة وانت انسان ما عندك نخوة على اسباب مختلفة وتافهة مثل رقعة ويهه وكان يتطنز على اسناني قبل لا اسوي لهم تقويم ويتطنز على كرشتي لاني متين. ومن حلاة امه اللي هي لبنانية من اصل فلسطيني ومسيحية واوين اسلمت بس بعدها ما تتحجب وتلبس قصير وتشرب خمر وتدخن وحالتها بالويل واوين مؤخرا حصلت الجنسية العمانية اللي للحين ما مستفيدة منها ابد. وما ننسى ال3 مرات اللي دخلت مركز الشرطة -لاول مرة في حياتي- بسبة مشاكلة اللي ما تخلص وفي النهاية تطيح فوق راسي انا. ودايما اكون واقف معاه في ها المواقف على الرغم من اخطائه بس وصلت لمرحلة انه خلاص تعبت وما قدرت اتحمل وطفح الكيل. انا صرت استخدم اسلوب النذالة معاه عشان احسسه وكنت اعطيه في شكله عن غلطاته وكذباته الكثيرة بس كالعادة ما يعترف ويسوي الدراما الغبية مالته ويبكي ويزعل مثل اليهال. وبعد عطيته فرصة اكثر من مرة عشان يعدل من اسلوبه وغلطاته وكذباته بس فوق الكذبة يكذب كذب ثاني فانا قلت خلاص ها المخلوق ما منه فايدة. ويومها رحت عنده وقررت اني اتركه وكان اسلوبي جدا محترم معاه بس هو بدا يستفزني بحركاته الصبيانه وعصبنا على بعض وكل واحد قعد يغلط عا الثاني وتركته. ونفس اليوم طرشتله مسجات عا الواتس مثل انتي قحبة وجذابة وفضيحة الواحد يطلع وياج واحسن لج تاخذين زب بدل ما يطلع لسانج وخلي كل ربعك يتركونك مثل ما تركك حبيبك في البحرين ومن ها السوالف. ومن بعدها تركته خير شر وها الكلام كان شهر 3 سنة 2013

* فجاة على اول يوم من السنة الجديدة جالي اتصال من الادعاء العام يقولونلي عندك شكوى من ها الشخص الاردني وتعال عندنا. ابن القحبة سواها. وانا مفكر انه مفبرك القصة ومحورها كاسلوبه النذل اللي انا متعود عليه بس انصدمت واستغربت انه نفس المسجات بالضبط اللي انا دزيتها وانا قاعد اقرا الموضوع وميت من الضحك ما بيني وبين نفسي. والمحققة قالتلي انت كانك قاعد تكلم بنت قتلها لاننا متعودين نتكلم بها الطريق كمزاح وهو من اصلا كان يسبني ويهيني بس انا كنت اسكت عنه وبعدين وصلت لمرحلة اني ما تحملت فعطيته ها الكلام عا الواتس. عموما واحنا طول الوقت قاعدين نضحك على تفاهة الموضوع. اتصلوا فيني بعد اسبوع وقالولي المشتكي سحب شكوته بس توقع على تعهد بانك ما تتعرض له مرة ثانية باي وسيلة من وسائل الاتصال. وبعد التوقيع قمت وانا اسب الكلبة الحيوانة اللي ما عندها اصل. اذا هي تقدم ها الشكوى السخيفة بعد مرور اكثر من 7 اشهر عليها واخر شي تسحبها عيل شكو من اصلا النذلة الحقيرة بنت الحيوانة تقدم الشكوى.

* بس هذول هما الشوام اللي ما شايفين خير ببلادهم ويجون عند الخليجيين وياكلون من خيرهم وبعدهم يضحكون عليهم ويستغلونهم بديرتهم وهما متغربين وحياتهم حرب وفقر ومجاعة. ما اقول الا حسبي الله ونعم الوكيل عليها وعلى امثالها.